ரஜினிகாந்த், கமல்ஹாசனுக்கு ஆந்திர அரசு விருதுகள் அனுஷ்கா, அஞ்சலிக்கு நந்தி விருது

by **அ.இராமநாதன்** on Wed Nov 15, 2017 11:47 am

[You must be registered and logged in to see this image.]
–
சென்னை,
ஆந்திர அரசு ஆண்டுதோறும் சிறந்த தெலுங்கு படங்கள், சிறந்த நடிகர்-நடிகைகள் மற்றும் சிறந்த தொழில்நுட்ப கலைஞர்களுக்கு நந்தி விருதுகள் வழங்கி வருகிறது. திரைப்படத்துறையில் சிறந்து விளங்கியவர்களுக்கு என்.டி.ஆர் பெயரில் தேசிய விருதுகளும் வழங்குகிறது.

கடந்த 3 ஆண்டுகளாக இந்த விருதுகள் வழங்கப்படாமல் இருந்தது. இந்த நிலையில் 2014, 2015, 2016 ஆகிய ஆண்டுகளுக்கான நந்தி விருதுகளை ஆந்திர அரசு நேற்று அறிவித்தது. இதில் 2014-ம் ஆண்டுக்கான என்.டி.ஆர் தேசிய விருதுக்கு நடிகர் கமல்ஹாசனும், 2016-ம் ஆண்டுக்கான என்.டி.ஆர் தேசிய விருதுக்கு நடிகர் ரஜினிகாந்தும் தேர்ந்தெடுக்கப்பட்டனர்.
2015-ம் ஆண்டுக்கான என்.டி.ஆர் விருது டைரக்டர் ராகவேந்திரராவுக்கு வழங்கப்படுகிறது. 2014-ம் ஆண்டு சிறந்த படத்துக்கான நந்தி விருதை லெஜண்ட் பெற்றுள்ளது. மனம் படத்துக்கு இரண்டாவது பரிசு கிடைத்துள்ளது. சிறந்த நடிகருக்கான விருது லெஜண்ட் படத்தில் நடித்த பாலகிருஷ்ணாவும், சிறந்த நடிகைக்கான விருதை கீதாஞ்சலி படத்தில் நடித்த அஞ்சலியும் பெற்றுள்ளனர்.

சிறந்த இயக்குனருக்கான விருது பொயப்பட்டி சீனிவாசுக்கு கிடைத்துள்ளது. சிறந்த துணை நடிகர் விருது நாகசைதன்யாவுக்கும், துணை நடிகை விருது லட்சுமி மஞ்சுவுக்கும், சிறந்த நகைச்சுவை நடிகர் விருது பிரமாணந்தத்துக்கும், சிறந்த வில்லன் விருது ஜெகபதி பாபுவுக்கும் கிடைத்துள்ளது.

2015-ம் ஆண்டு நந்தி விருதுக்கான சிறந்த படமாக பாகுபலி தேர்வாகி உள்ளது. சிறந்த நடிகராக மகேஷ்பாபுவும், சிறந்த நடிகையாக சைஸ் ஜீரோ படத்தில் நடித்த அனுஷ்காவும் தேர்ந்தெடுக்கப்பட்டு உள்ளனர். சிறந்த இயக்குனர் விருது ராஜமவுலிக்கும், இசையமைப்பாளர் விருது கீரவாணிக்கும் கிடைத்துள்ளது. 2016-ம் ஆண்டுக்கான சிறந்த நடிகராக ஜூனியர் என்.டி.ஆரும், சிறந்த நடிகையாக ரீட்டுவர்மாவும் தேர்வாகி உள்ளனர். சிறந்த படத்துக்கான விருதுக்கு பெல்லி சூப்புலு தேர்வாகி உள்ளது.
தினத்தந்தி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ரஜினிகாந்த், கமல்ஹாசனுக்கு ஆந்திர அரசு விருதுகள் அனுஷ்கா, அஞ்சலிக்கு நந்தி விருது

ரஜினிகாந்த், கமல்ஹாசனுக்கு ஆந்திர அரசு விருதுகள் அனுஷ்கா, அஞ்சலிக்கு நந்தி விருது